لا تبعد اكلك خليني دوم وياك

[size=21]لا تبعد اكلــــك خلني دوم ويـــــــاك
رغم نار انته بيه وادري تاذينـــــــــي

انه الحبيــــــتك وما حسبت ويـــــاك

من منبع حنـــــانك مــــــا ترويـــــني

مو بالجلد جرحك حتى يشــفه بساع

جرحك وسط كلبي اشلون تشــفيني

اهاجر كلـــــــــت عنك ما اردلـــك دوم

يل حبك كتلني شوكت تحييــــــــــني

بس من ردت اودعــك بجت عين الروح

وترس عيني الدمع بس ما بجت عيني

اخاف تطيح دمعه تشوفه الشــــــمات

وانه روحي عزيزة وزين تدرينــــــــــــي

فراكك اثر بروحي وشــــــــــلها

وبيدك خيط جروحي وشــــــلها

عيوني من الدمع غصت وشلها

اخاف اتطيح ويشـــــــمتون بيه

اذن احسلي اعوفك وبتعد لبعــــــــيد

لأن مالــــك امان وما الك صاحــــــــب

خايب ما اكلك لنــــــــــــي اعرف زين

اليظـــــــل وياك لازم ينوصــــف خايب

قطعـــــــــــآ للنزاع اشحصـــــلت وياك

حبك بس مصايب عالــــــــيحب جايب

[/size]